LATEST SERMON

ITESTIFY ko lang ang ginawa ni Lord!

MGA LESSONS:

1. Kapag may problema, wag sumuko agad kundi magpray at wag tumigil magpray hanggang di naaayos.

2. Kapag tither at giver ka kay Lord di ka talaga pwede nakawan ng kaaway ng blessings na para sayo.

3. Totoo pala talaga ang joy sa mga nawalan tapos naibalik gaya ng sa Lost Coin, Son at Sheep.

​

This is my SHOPEE STORY haha.

​

Bago ako magbirthday, pinagpray ko na makabili ako ng bagong tablet (kahit parang imposible dahil di nga ako makaipon kahit 2k haha) kailangan ko na kasi dahil dumadami yung ebooks ko, di na ko makaplay ng isang video sa luma ko dami na files masyado. Gusto ko rin kasi na may ready na kong panturo na dala at visual anytime na kelangan mag-share. At dahil ang galing ni Lord, nagprovide Siya ng pambili ko.

​

Kaya lang, after 4 days na nasa akin na yung bagong tablet, di ko nabasa na nakalagay pala sa product description na wag daw iuupdate kasi baka magka-system crash. Ayun nga, after mag-update di na siya ma-open. Ang problema, napindot ko na yung "Order Received" tapos nag-end na rin yung Shopee Guarantee, ibig sabihin parang tapos na yung Shopee samin ng seller. Kaya naman parang di ko alam kung magsisisi ba ko na yun napili kong bilin, pero ang ganda kasi talaga nung tablet kaya sulit talaga. Parang ang naiisip ko, sinayang ko lang yung pera kapag di na napagana. Parang gusto nakawin ng kaaway yung joy ng blessing ni Lord.

​

Naghanap ako ng service center sa Festival pero lahat sila di alam ang gagawin. Kahit kay Kuya Mon na techy, di niya rin nagawa. Nagchat din ako sa FB na mga service centers, di rin nila sure kung magagawa nila. Sabi nung seller padala ko daw sa China pero dahil di under ng Shopee ang transaction, di ko sure kung ibabalik niya pa yun kaya di ko din option yun. Ang laking abala kung tutuusin.

Sakto na prayer marathon nung araw na yun na bothered ako kung ano gagawin ko, pray na lang ako ng pray in tongues. Habang nagpepray ako, parang sinasabi ni Lord sa akin na sa Shopee Help Center ako magsabi at baka mabalik ko. Kaya nung gabi, nagchat ako sa App tapos nagulat ako kasi may return-refund pala sila kahit napindot na yung Order Received at kahit wala na Shopee Guarantee. Pina-submit nila ako ng evidences na talagang di na nagfafunction ang device. Naging mabait din ako sa seller, di ko siya inaway para pumayag siya na magreturn-refund kasi kasalanan ko naman na ako yung nag-update, kung tutuusin pwede niya sabihin na fault ng buyer para di ako mapayagan ireturn. Pero syempre dahil nag-iintercede ako at bina-itan ko, pumayag yung seller. Nakakita kasi ako sa 3 places sa internet na same case ng sa akin, pero di sila narefund. Kaya fighting lang sa faith na yung sa akin marerefund.

​

Kinabukasan, naapproved ang return-refund ko at pinapareturn sa akin sa M.Lhullier yung device. Nagpray ulit ako in tongues ng mga 3 hours para mawala yung sakit ng ulo ko sa bagay na ito. After 2 days pa bago ko nadrop-off yung irereturn tapos ayun nag-email na ang Shopee na in 5-7 days daw ay mapaprocess ang refund ko. Nung nagbasa-basa ako ng mga proseso ng mga return-refund, yung iba pala talaga inaabot pa ng 11 days, lalo na kung overseas ang order. Pinagpray ko na hindi na abutin pa ng matagal kasi nakakawala din ng peace of mind kung mababalik ba talaga haha.

​

At praise God! 4 days pa lang, narefund na yung pera, wala akong ginastos sa shipping ng return at wala din nawala kahit piso sa akin dahil kino-confess ko na, "I am a tither! Giver ako! Kaya walang mananakaw ang kaaway sa akin, at hindi niya maaagaw ang joy ko!" Naaalala ko nga rin yung napreach ko na, "Hindi dapat tayo luhaan at talunan sa buhay kasi pwede natin ipagpray ang lahat, tayo ay pwede maging victorious sa buhay!"

​

Iyak-iyak sana ako at sobrang nagsisisi, pero naturn yun into joy. Parang narealize ko tuloy yung "I once was lost but now I'm found", yung mga parables na Lost Coin, Lost Son at Lost Sheep, ang saya pala talaga kapag yung nawala ay naibalik hehe. Kaya yun napalitan pa tuloy yung tablet ko ng mas magandang specs at version ngayon, mas better pa ang nakuha ko without loses! Praise God talaga!

​

Narealize ko lang na kahit pala sa mga pagbibili-bili natin ay may care ang Dios sa atin. Lalo na kapag gusto natin ito gamitin for His glory! Ayun na-share ko lang.. To God be the glory!